ध्रुवराज घिमिरे । तनहुँ १९ असार २०८१ । तनहुँको शुक्ला गण्डकी नगरपालिका वडा नं ७ को आयोजनामा पशुपन्छी लछित कार्यक्रम अन्तर्गत कृषकहरुलाई पशु आहार बितरण गरिएको छ ।
पालिकाबाट बिनियोजित बजेटमा करिब १ लाख ५० हजार मुल्य बराबरको पशुआहार अन्तर्गत भिटामिन क्याल्सियम र मिनरलगरि झण्डै १५० जना पशुपालक कृषकहरुलाई वडा अध्यक्ष खडग सिह थापा सहित वडा सदस्य नगर कार्य पालिका सदस्य शारदा ढकाल , राज बहादुर थापा,गिर बहादुर थापा , कविता बिक सहितको सक्रियतामा बितरण गरियो ।
वडा सचिब शुस्मा गौतमद्वारा सहजिकृत उक्त कार्यक्रममा वडा अध्यक्ष खड्ग सिह थापाले वडा कार्यालयले जनताको दुःखदुखमा सधै साथ दिदै जाने र वडामा आउने बजेटलाई जनता केन्द्रितगरि सबैलाई समान रुपमा सहयोग गर्दै जाने बताए ।
कार्यक्रम शुक्ला गण्डकी नगरपालिका वडा नं ७ मालेबगर स्थित गौ सेवा दुग्ध उत्पादक सहकारी सस्थाको परिसरमा भएको थियो ।
