प्रहार समाचार । रामेछाप ११ साउन २०८१ शुक्रवार ।रामेछापको गोकुलगङ्गा गाउँपालिका–६ फर्पुमा बिहीबार साँझ गएको पहिरोमा परी एकै परिवारका तीनजनाको ज्यान गएको छ । फोटो: फाईल फोटो
अविरल वर्षापछि खसेको पहिरोले स्थानीय विमान तामाङको घरको आधा भाग पुरिँदा १८ वर्षीया छोरी सीता तामाङ, १४ वर्षीया नातिनी आशिका तामाङ र १३ वर्षीया लक्ष्मी तामाङको ज्यान गएको जिल्ला प्रहरी कार्यालयका प्रमुख प्रदीपकुमार सिंहले जानकारी दिए ।
बिहीबार साँझ रोपाइँ सकेर घरमा आगो तापेर एकै ठाउँमा बसिरहेका उनीहरूलाई वर्षासँगै घरमाथिको ढिस्काले पुरेको थियो । तर सोही घरको अर्को कोठामा रहेका विमान र उनकी श्रीमतीलाई भने केही नभएको जिल्ला प्रहरी रामेछापले जानकारी दिएको छ ।
