प्रहार समाचार । तनहुँ, मंसिर ८ शुक्रबार ।
तनहुँ जिल्लाको पृथ्वीराजमार्ग अन्तरगत म्याग्दे गाउँपालिका–५ धारापानीमा शुक्रबार मोटरसाइकल दुर्घटनामा परि एक युवकको मृत्यु भएको छ अर्का एक जना घाईते भएका छन् ।
मृत्यु हुनेमा शुक्लागण्डकी–७ निवासी २७ बर्षीय बिनोद गुरुङ रहेको जिल्ला प्रहरी कार्यालय तनहुँले जनाएको छ ।
दुर्घटनामा परि सोही वडा निवासी २९ बर्षीय मोटरसाइकल चालक अनोज गुरुङ घाइते भएका छन् । भिमादबाट बेलचौतारातर्फ जादै गरेको म–प्र.०३–०३० प ३८५० नम्बरको मोटरसाईकलको पछाडि सवार गुरुङ दुर्घटनामा परि सख्त घाइते भएका थिए । दुर्घटना पश्चात तत्काल जि.पि.कोईराला श्वास प्रश्वास उपचार केन्द्र बेलचौतारामा पठाइएकोमा उपचारको क्रममा आज मृत्यु भएको प्रहरीले जनाएको छ ।
मोटरसाइकल चालक शुक्लागण्डकी नगरपालिका–७ बस्ने २९ बर्षीय गुरुङ घाइते भएको तनहुँका प्रहरी नायव उपरीक्षक मोहनबहादुर खाँणले जानकारी दिए । घाइते गुरुङका लेखनाथ सिटी अस्पताल पोखरा कास्कीमा उपचार भईरहेको छ ।
