प्रहार समाचार । तनहुँ, चैत २५ । तनहुँको बन्दीपुरमा प्राकृतिक योग चिकित्सालय खुल्ने भएको छ। बन्दीपुरका समाजसेवी सन्तकुमार श्रेष्ठले आफ्ना स्वर्गीय मातापिताको स्मृतिमा ‘पुन नारायण उजेली देवी योग प्राकृतिक चिकित्सालय ‘ खोल्न लागेका हुन् ।
आगामी वैशाख १ गतेदेखि बन्दीपुरको बाला बजारमा योग प्राकृतिक चिकित्सालयको उद्घाटन गर्ने कार्यक्रम तय भएको बताइएको छ । वरिष्ठ डाक्टर हेमराज कोइराला पुरानाे संस्कृति वेद , पुराण , उपनिषद्मा वर्णित यस पद्दतीबाट प्राकृतिक स्रोतहरूलाई उपयोग गरेर रोगीलाई निरोगी र निरोगीलाई स्वास्थ्य बनाउने पद्धति नै प्राकृतिक योग चिकित्सा पद्धति रहेको बताए।
यस पद्धति संसारभरि नै फैलिँदै गएको परिप्रेक्ष्यमा तनहुँको बन्दीपुरमा समेत प्राकृतिक चिकित्सालय खोल्ने क्रममा तदर्श समितिसमेत गठन गरी यही वैशाख १ गते उद्घाटन गरिने बताइएको छ। डा कोईराला कुनै पनि रासाय बिना नै पानी,माटो, हावा ,जडीबुटी लगायत प्राकृतिक पद्धतिबाट उपचार गरिने बताए ।बन्दीपुरका समाजसेवी सन्त कुमार श्रेष्ठले जे जति खर्च लाग्छ सम्पूर्ण खर्च बेहोर्ने तथा उनको नाममा रहेको बाहना बजारको घरमा चिकित्सालय सञ्चालन गर्न गरिने भएको हो।
