प्रहार समाचार । बारा, जेठ ३२ ।आज कलैयास्थित राजाराम बहुमुखी क्याम्पसका प्रमुख हरिभुषण कुशवाहाको गोली हानी हत्या भएको छ।
क्याम्पस प्रमुखको हत्या प्रकरणमा प्रहरीले दुई जनालाई पक्राउ गरेको जनाएको छ । पक्राउ पर्ने दुबै जना बारा निवासी भएको प्रहरीले जनाएको छ ।
आर्दशकोतवाल गाउँपालिका वडा नं २ खजुरियास्थित घरबाट कलैयातर्फ फर्कने क्रममा २ वटा मोटरसाइकलमा सवार ४ जनाको अज्ञात समूहले कुशवाहालाई बतरा भन्ने स्थानमा गोली प्रहार गरेको प्रहरीले जनाएको छ।
कुशवाहाको पिठ्युमा १ राउण्ड गोली लागेकोमा उपचारको क्रममा वीरगन्जमा मृत्यु भएको थियो ।
