प्रहार समाचार । काठमाडौँ, १९ कत्तिक २०८१ सोमवार । क्यानडाको टोरन्टोस्थित रहेको एक हिन्दू मन्दिरको परिसरमा हमला भएको छ ।
हमलामा केही मानिसहरूले ब्राम्पटन क्षेत्रको मन्दिर परिसरमा प्रवेश गरेर कुटपिट गरिरहेको देखिन्छ ।आइतबार भएको उक्त घटनाको भिडियो सामाजिक सञ्जालहरुमा छाएको छ।
भारतीय सञ्चार माध्यमहरूले आक्रमण खलिस्तानी चरमपन्थीहरूले गरेको हुन सक्ने आशङ्का गरेका छन् ।
आक्रमणको क्यानडाका प्रधानमन्त्री जस्टिन ट्रुडोलले निन्दा गर्दै ट्वीटरमा लेखेका छन् – ‘ब्राम्पटनको हिन्दू सभा मन्दिरमा भएको हिंसा अस्वीकार्य छ। प्रत्येक क्यानाडालीलाई स्वतन्त्र र सुरक्षित रूपमा आफ्नो धर्म अभ्यास गर्ने अधिकार छ,’ ।
