काठमाडौँको एक होटलबाट २० करोडको लागू औषध कोकिन सहित मलेसियन नागरिक पक्राउ

प्रहार समाचार । काठमाडौं ३० असार २०८१ आईतबार । काठमाडौं महानगरपालिका- २९ ठमेलस्थित एउटा होटलबाट प्रहरीले २० करोड रुपैयाँ पर्ने  कोकिनसहित  मलेसियन नागरिकलाई पक्राउ गर्न सफल भएको छ।

पक्राउ पर्नेमा ४७ वर्षीया मलेसियन नागरिक ​भाथुमलाई  भदिभालो छिन् । उनलाई जिल्ला प्रहरी परिसर काठमाडौंले पक्राउ गरेर आइतबार सार्वजनिक गरेको हो । उनको साथबाट ५ किलो ८२० ग्राम कोकिन बरामद भएको प्रहरीले जनाएको छ । 

ती महिलाले छ वटा विद्यालय झोलामा ‘फल्स बटम’ बनाई उक्त पदार्थ थाइल्याण्डको बैङ्कक हुँदै नेपाल भित्र्याएको प्रारम्भिक अनुसन्धानबाट खुलेको जिल्ला प्रहरी परिसर काठमाडौंका प्रमुख प्रहरी वरिष्ठ उपरीक्षक वसन्त रजौरेले जानकारी दिए।

बरामद भएको उक्त कोकिनको मूल्य ​अन्तराष्ट्रिय बजार दर अनुसार २० करोड ३७ लाख नेपाली रुपैयाँ हुन आउने परिसरले जनाएको छ ।