प्रहार समाचार । तनहुँ चैत १५। यस वर्षको माध्यमिक शिक्षा परीक्षा (एसइइ) आज विहान ८ बजेबाट सञ्चालन भएको छ । यस वर्ष सामुदायिक तथा संस्थागत विद्यालयका दुई लाख ५० हजार सात सय ७२ छात्रा, दुई लाख ५३ हजार छ सय २७ छात्र र अन्य १५ जना गरी कूल पाँच लाख चार हजार चार सय १४ परीक्षार्थी सहभागी भएको परीक्षा नियन्त्रण कार्यालयका एसईई परीक्षा नियन्त्रकको कार्यालयले जनाएको छ ।
तनहुँ जिल्लाबाट कुल पाँच हजार चार सय ६२ परीक्षार्थी सहभागी भएको शिक्षा विकास तथा समन्वय इकाई तनहुँले जनाएको छ । इकाईका अनुसार ति विद्यार्थी मध्ये प्राविधिक धारतर्फ एक सय ३३ र ग्रेडवृद्धितर्फ ७८ परीक्षार्थी रहेको इकाईका प्रमुख उद्धवराज कट्टेलले जानकारी दिए । एसइइका लागि २६ परीक्षा केन्द्र तोकेको छ। परीक्षाका कालागि देशरभर दुई हजार ६४ परीक्षा केन्द्र निर्धारण गरेको छ ।
