प्रहार समाचार । काठमाडौँ ८ साउन २०८१ मङ्गलबार । हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थानको दक्षिणतर्फ रहेको छ।
काठमाडौं उपत्यकासहित देशका विभिन्न स्थानमा रातिदेखि वर्षा भइरहेको छ ।
भारी वर्षाका कारण नदीमा जलसतह बढ्ने भएकाले नदी तटीय क्षेत्रमा सतर्कता अपनाउन जल तथा मौसम पूर्वानुमान महाशाखाले सचेत रहन आग्रह गरेको छ ।
आज दिउँसो कोशी र सुदूरपश्चिम प्रदेशका एक-दुई स्थानमा भारी वर्षाको सम्भावना रहेको छ ।
राति कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका एक-दुई स्थानमा भारी वर्षाको सम्भावना रहेको जल तथा मौसम पूर्वानुमान महाशाखाद्वारा प्रकाशित नियमित बुलेटिनमा उल्लेख छ।
