प्रहार समाचार । तनहुँ, बैशाख ६ । तनहुँ जिल्लाको आँबुखैरेनी–३ आँबुगाउँमा युवा बीच झडप हुँदा एक किशोरले ज्यान गुमाउनु परेको छ। ज्यान गुमाउनेमा गोरखा शहिद लखन गाउँपालिका–३ सिलिङका १८ वर्षीय अमन गुरुङ रहेका जिल्ला प्रहरी कार्यालयले जानकारी दिएको छ।
आँबुगाउँ स्थित चौतारामा सँगै बसेर खाजा खाइरहेको अवस्थामा एकापसमा झडप हुँदा डिलबाट तल खोल्सीमा खस्दा गुरुङको घट्नास्थलमै मृत्यु भएको प्रहरीको भनाई छ।
घट्नामा संलग्न रहेका सात जनालाई प्रहरीले नियन्त्रणमा लिई थप अनुसन्धान थाली बिहीबार म्याद थपका लागि जिल्ला अदालत तनहुँमा पेश गरिने भएको छ।
